10 Këshilla të thjeshta për foto që të bëni më shumë para kur të shisni online

Fotografitë e mira janë çelësi i të shiturit online. Shumica e njërzve klikojnë vetëm në shpallje të cilat kanë fotografi. Të pasurit fotografi, është minimum që mund të bëni, por sa të mira duhet të jenë ato foto?

Pastroni produktin

Fillimisht ju duhet të siguroheni që keni hequr të gjitha pluhurat që mund të mbulojnë një produkt. Kjo zakonisht ndodh tek produktet e përdorura. Fotografitë e bëra nga aparatet profesionalë, mund të nxjerrin në pah shumë detaje.

Përdorni ndriqim të mirë

Hijet zakonisht e prishin një fotografi të mirë. Bëni fotografitë tuaja në një vend ku drita vjen nga të gjitha anët njejtë. Ide e mirë është që fotografitë ti bëni në natyrë, duke përdorur driten natyrale.

Kujdes me blicin

Nëse e përdoni blicin nga largë, ai mund të ju ndihmojë që të plotësoni hapsirat ku drita mungon. Shpesh herë përdorimi i blicit bën që fotoja të del e djegur nga ndriqimi, dhe kështu shpallja duke jo-serioze.

Përdorni prapavijë të qartë

Mundohuni të mos bëni fotografitë me prapavijë të ngarkuar. Duke përdorur prapavijë sa më të pastër, ju siguroheni që fokusi i audiencës të jetë direkt në produkt. Gjithashtu ambienti duhet të jetë neutral e të mbizotërojë vetëm një ngjyrë. Ngjyra blu është perfekte për fotografi të tilla.

Rregullojeni këndin

Sigurohuni që këndi nga i cili e bëni fotografinë është gjithpërfshirës dhe paraqët një pamje të qartë të objektit. Për disa nga fotografitë ju duhet ti shkrepni në kënde të ndryshme në mënyrë që të tregoni të gjitha cilësitë e produktit.

Shfaqni disa produkte

Nëse keni nje linjë produktesh, mundohuni të përfshini disa nga to në një foto. Produkti kryesor duhet të jetë në qendër kurse produktet tjera në prapavijë. Pasi të keni bërë një foto me gjitha produktet, beni foto me secilin produkt veç e veç dhe shtoni përshkrimet.

Përshtateni kameren

Përdorni një sipërfaqe të rrafshët, një karrige apo një trekëmbësh në mënyrë që të stabilizoni kameren me të cilen do të bëni fotografitë. Në këtë mënyrë ju siguroheni që fotografitë janë të pastërta dhe të qarta.

Kur nuk jeni të sigurtë, bëni foto shtesë

Nëse nuk jeni të sigurtë që ato foto që keni janë mjaftueshëm të mira, atëherë bëni ca tjera reservë që të keni më shumë zgjidhje në fund.

Mos i bëni shume photoshop fotove

Me këtë dua të them që mos e teproni me editimin e fotove, duke bërë kështu që fotot të duken jo realistike dhe shpallja e pa-besueshme nga audience.

Postoni fotot më të mira

Ju mund të keni bërë 100 fotografi por nuk mund të përdorni të gjitha në shpallje. Uebfaqet e ndryshme kanë një limit se sa foto te produktit ju mund të postoni. Prandaj zgjedhni vetëm fotot më të mira për të postuar.