5 Racat më të mira të maceve për të jetuar në apartamente

Sjellja e një mace në shtëpinë tuaj mund të jetë një nga përvojat më të mira që keni me kafshët shtëpiake. Nga aftësia e tyre për të mbajtur shoqërinë tuaj, deri në orët e pafundme të argëtimit që ato ofrojnë, nuk ka asgjë më të mirë se të kesh një mace përreth.

Pavarësisht nëse doni të bëheni pronar i maceve për herë të parë ose jeni një pronarë me përvojë, zgjedhja e racës së duhur të maceve për stilin e jetës tuaj është e rëndësishme. Ndërsa shumë prej nesh mund të mendojnë se të gjitha macet janë të lezetshme dhe me gëzof, e vërteta është se ka raca të caktuara që janë më të adaptuara për të jetuar në apartament sesa të tjerët.

Nëse jeni duke kërkuar për një mace që do të jetojë me ju në një apartament, atëherë ju jeni në vendin e duhur! Në këtë artikull ju do të gjeni se cilat janë racat më të mira të maceve për jetesë në apartamente.

     1. Mace Persiane

Nëse jeni duke kërkuar për një mace të cilësisë së lartë dhe me pamje të mrekullueshme, një mace persiane është zgjedhja e duhur për ju. Kjo racë macesh ka origjinën nga Persia antike mbi 2000 vjet më parë, gjë që e bënë këtë racë të njihet si një nga racat më të vjetra të maceve në botë.

Macja Persiane është një racë e maceve me flokë të gjatë dhe një nga racat më të njohura të maceve shtëpiake që shquhen si mace inteligjente, kurioze dhe shumë të dashura. Këto mace njihen për pamjen e tyre magjepësese e cila vie si rezultat i leshit të tyre të gjatë, kokës së rrumbullakosur dhe sytë e medhenj që mund të jenë ngjyrë blu, jeshilë ose bakër.

Macet e racës Persiane mund të vijnë në një mori modelesh dhe ngjyrash, duke përfshirë të bardhën, të zezë, bezhën dhe të kuqen.

     2. Mace Birman

Birman është një nga racat më të lashta të maceve në botë që daton që nga viti 1800. Kjo racë e maceve ka origjinën nga Burma të Birmanisë, qytet ky pas të cilit edhe është emëruar. Macja Birman është një racë e mesme me një model të veçantë ngjyrash dhe me flokë të gjatë.

Macet e racës Birman, njihen për leshin e tyre të veçantë, të mëndafshtë të bardhë dhe blu të mbyllur, fytyrë të bardhë dhe sy blu të lehtë ose të gjelbër. Ato janë të bardha me veshë, këmbë, bisht dhe fytyrë me ngjyrë. Karakteristikë kjo e cila është arritur përmes një mutacioni të pjesshëm të albinizmit.

Të njohur për temperamentin e tyre të ëmbël, të qetë dhe shumë miqësorë, macet Birman thjeshtë duan të jenë kudo që ju jeni pa pasur nevojë për hapësirë të madhe banimi, gjë që i bënë keto mace shtesë të përsosur për apartamentin tuaj.

     3. Mace British Shorthair

Macja Shorthair Britanik është një racë e maces shtëpiake me flokë të shkurtër me origjinë nga Britania e Madhe. Kjo racë e maceve është e njohur për aftësinë e saj për të qenë e qetë, e pavarur dhe shumë e dashur.

Short Hair Britanik është një racë e mesme e maceve, shumë muskulore dhe e fortë në dukje e cila karakterizohet me lesh të trashë të ngjyrave të kuqe, të kaftë, hiri dhe sy nga ngjyrat më të veçanta si blu, bakër dhe ari.

Macja britaneze Shorthair ka karakter miqësor që pëlqen të përfshihet në gjithçka që ju bëni gjë që e bënë këtë një racë të shkëlqyeshme për njerëzit që duan një mace të qetë, të dashur dhe që mirëmbahet lehtë.

     4. Mace Skoceze

Macja Skoceze është një racë e maceve shtëpiake me një defekt natyror gjenetik që i jep veshët e saj të palosur karakteristikë. E zhvilluar në Skoci në vitet 1960, raca është e njohur për personalitetin e saj të shoqërueshëm dhe shumë aktiv.

Macja Skoceze karakterizohet me një pamje shumë të ëmbël. Sytë e mëdhenj blu, jeshil, bakër, ari, koka e rrumbullakosur, flokë të gjatë apo të shkurtër që mund të kenë pothuajse çdo ngjyrë duke përfshirë të bardhën, të zezën,të kuqen, të hirit, argjendtë etj.,

Kjo racë e maceve ka një personalitet të ëmbël, të butë dhe të dashur. Për shkak të personalitetit dhe lehtësisë së socializimit, macet Skoceze janë një nga shoqëruesit më të mirë të apartamenteve pasi luajnë dhe përshtaten shumë lehtë me pothuajse çdo kafshë dhe mace tjetër.

     5. Mace Ragdoll

Ragdoll është një racë amerikane e maceve shtëpiake që shquhet për temperamentin e saj të relaksuar dhe të dashur. Ata janë të mëdhenj, dhe muskulozë me flokë të gjatë zakonisht në hije të bardhë, kafe ose të kuqe, dhe një personalitet të butë dhe të ëmbël.

Raca e Ragdoll e maceve karakteristikë mjaftë interesante ka sytë. Sytë e kësaj race të maceve mund të vijnë në forma dhe hije të ndryshme blu. Sidoqoftë, është e rëndësishme të theksohet se të gjitha racat e pastra Ragdoll kanë sy blu.

Raca e maceve Ragdoll, shquhet si një racë e zgjuar, e adaptueshme dhe e madhe që mund të përshtatet me pothuajse çdo situatë jetese, gjë që i bën ata veçanërisht tërheqës për pronarët e maceve me stilin të ngarkuar jetese.

Cilat janë karakteristikat që duhet t’i shikoni para se të zgjidhni një mace?

Për të gjithë ju që jetoni në një apartament dhe jeni duke shikuar për një mace, ne ju sugjerojmë të kërkoni për një racë macesh që është e qetë dhe e shoqërueshme por që nuk kërkon shumë vëmendje dhe urdhëra. 

Pasi të jetuarit në një apartament ofron një hapësirë të kufizuar banimi, ju duhet t’i shmangni racat intelegjente të maceve, pasi hapësira e vogël e banimit mund të mos jetë e përshtatshme për ato si dhe mund të mos sigurojë stimulim të mjaftueshëm mendor për të cilën macet kanë nevojë në mënyrë që të ndihen të plotësuara. Si pasojë e hapësirës së pamjaftueshme, ato mund të përfshihen në sjellje të pa kontrolluara që mund të lidhen me shkatërrimin e orendive shtëpiake.

Disa nga gjërat që e bëjnë një mace opsion të mirë për jetesë në apartament

     Përshtatshmëria - Pra, ju duhet të siguroheni nëse hapësira juaj e banimit është e përshtatshme për përshtatjen e maceve dhe nëse ato do të adaptohen shpejtë në të.

   Socializimi - Socializimi është një nga gjërat kryesore që ju duhet t’i kushotni vëmendje nëse vendosni të blini një mace. Duhet të keni parasysh që macet duhet të socializohen me njerëzit në mënyrë që të keni një jetesë komode të përbashkët.

   Qetësia - Pavarësisht nëse banoni në një kompleks banesorë me shumë apo pak banorë, ju duhet të merrni një mace të qetë ose të trajnoni macën tuaj ta ruaj rendin e qetësisë kur është e nevojshme në mënyrë që të mos shkaktoni zhurmë të pa nevojshme tek fqinjtë.  

Të kesh një mace në shtëpi është gjithmonë një kënaqësi. Të jetuarit në apartament mund të ju bëjë të zgjidhni një mace me më kujdes para se të vendosni se cila nga macet është më e përshtatshme për ju, por nuk ka asnjë arsye përse ju të mos e shijoni shoqërinë e maceve. Thjesht kushtojini vëmendje temperamentit dhe nevojave që një mace mund të ketë dhe do të keni një shoqërues prej gëzofi që ju mbush plotë dashuri.