9 Këshilla për kërkim të punës që ju ndihmojnë të gjeni punën që dëshironi

Kërkimi i punës është një nga momentet më stresuese në jetën e njerëzëve. Megjithatë, është e rëndësishme ta trajtoni atë si një mundësi dhe jo si një barrë sepse gjatë procesit të kërkimit ju keni vetëm një mundësi për të bërë përshtypjen e parë. 

Pavarësisht nëse jeni duke kërkuar punë në administratë, inxhinieri, arkitekturë, marketing, etj ka shumë sugjerime dhe truke që mund t'ju ndihmojnë të arrini punën e ëndrrave tuaja.

Këtu janë disa këshilla që ju mund t’i përdorni gjatë kërkimit të punës për t'ju ndihmuar të dalloheni nga aplikuesit e tjerë dhe të merrni punën që dëshironi.

     1. Planifikoni kohën që do të shpenzoni për kërkim

Kërkimi për punë nuk mund të bëhet pa planifikim paraprak. Ju duhet të organizoni orarin tuaj për një kërkim më efikas dhe të suksesshëm. Duke konsideruar këtë fakt, ne ju rekomandojmë të caktoni një periudhë kohore se sa orë në ditë apo cilat ditë të javës do t’ja kushtoni kërkimit për punë.

Në mënyrë që të qëndroni të organizuar, ju mund të krijoni një fletë në excel për të shkruar punët ku do të aplikoni si dhe kontaktet e kompanive që ju keni përzgjedhur pasi kjo mënyrë e organizimit mund ta bëjë procesin e gjetjes së punës më të shpejtë dhe të lehtë. 

     2. Rishikoni CV-në dhe letrën tuaj të motivimit

CV-ja dhe letra juaj e motivimit është përshtypja juaj e parë për të siguruar një punë të re të shkëlqyeshme. Është shansi juaj të bëni përshtypjen e duhur tek një punëdhënës i mundshëm. Të kesh një CV me pamje profesionale është e rëndësishme, veçanërisht me mungesën e kohës së intervistave ballë për ballë në botën e sotme dixhitale.

Sigurohuni që CV-ja juaj të jetë e pastër, e thjeshtë dhe e lehtë për tu lexuar. Përdorni një stil shkronjash që lexohet lehtë dhe me të cilin jeni rehat duke u siguruar që madhësia e shkronjave nuk është shumë e madhe ose shumë e vogël.

Për më shumë informacione se si mund ta shkruani një CV klikoni këtu.

     3. Krijoni një prezencë të fortë në internet

Një prezencë e fortë në internet mund të çojë në një karrierë të suksesshme, pasi tani interneti dhe rrjetet sociale konsiderohen si mjeti më efektiv për punëkërkuesit dhe profesionistët. Mbi të gjitha, mediat sociale, janë ideale për ju që të krijoni një reputacion profesional dhe rrjet të gjerë me kolegë profesionistë dhe rekrutues, të cilët mund të ndihmojnë në gjetjen e mundësive të përsosura të karrierës. 

Ndërsa Facebook dhe Twitter janë rrjete sociale të shkëlqyeshme për të bashkëvepruar me njerëz në një nivel personal, Linkedin është i shkëlqyeshëm për rrjetet e biznesit. Linkedin ofron një vend për tu shfaqur si ekspert, për të zbuluar partneritete të mundshme biznesi dhe ndoshta edhe për të fituar një vend pune.

Mos prisni më tepër, krijoni profilin tuaj në Linkedin dhe bëni lidhje të reja pune që do t’ju ndihmojnë të ngriteni në profesion çdo ditë e më shumë.

     4. Përdorni platforma të ndryshme për kërkim

Nuk ka një qasje të vetme për të gjetur punën tuaj të ardhshme. Kërkimi i punës duhet të jetë një përzierje e përpjekjeve në internet dhe jashtë tij, nga përdorimi i internetit, mediave sociale, miqve, LinkedIn dhe më shumë - nuk ka asnjë kufizim në numrin e burimeve të kërkimit të punës që mund të përdorni.

Ju gjithashtu mund të kërkoni punë apo të regjistroni shpallje pune falas në MerrJep.com dhe të prisni të kontaktoheni nga rekrutuesit që mund të jenë duke kërkuar punëtorë në platformën tonë.

     5. Përshtatni CV-në tuaj me pozitën për të cilën aplikoni

CV-ja është një përmbledhje e karrierës suaj, kështu që duhet të jetë një pasqyrim i punës që keni bërë dhe llojit të punës që kërkoni. Ajo duhet të përshtatet me punën në të cilën aplikoni. 

Prandaj, sigurohuni që po theksoni aftësitë dhe përvojën që janë të rëndësishme për secilën punë. Për ta bërë këtë, ju së pari duhet të lexoni përshkrimin e punës, përgjegjësitë dhe detyrat që ju kërkohen t’i kryeni dhe pastaj ta personalizoni CV-në tuaj duke u bazuar me të dhënat që hasni në shpallje.

     6. Hulumtoni kompanitë

Kur aplikoni për punë, merrnii kohën e duhur të hulumtoni se ku po aplikoni. Punëdhënësit e ardhshëm e vlerësojnë këtë sepse tregon se sa interesoheni për kompaninë e tyre dhe demonstron se jeni një punëtorë potencial për ta.

Hulumtoni organizatën, produktet ose shërbimet e tyre dhe peisazhin konkurrues. A ka kompania për të cilën do aplikoni një faqe në internet? Nëse po, merrni pak kohë për të lexuar deklaratën e misionit, vizionin dhe vlerat e tyre dhe shfaqni këto njohuri në intervistën tuaj të punës.

     7. Procesi i aplikimit

Është e rëndësishme të mbani mend se ju jeni duke konkurruar me aplikantët e tjerë për këtë punë dhe menaxheri i punësimit mund të mos rikthehet tek ju nëse ju nuk dalloni nga aplikuesit e tjerë dhe thjeshtë qëndroni në një listë me ta. Ju duhet të bëni gjithçka që të mundeni për t'i dhënë vetes mundësinë më të mirë për të marrë vendin e punës

Aplikoni për punë për të cilat jeni të interesuar edhe nëse plotësoni vetëm disa nga kërkesat e tyre. Në varësi të pozicionit, punëdhënësit mund të punësojnë individë të motivuar që mësojnë shpejt dhe t'u ofrojnë atyre trajnime për aftësi në punë. Nëse plotësoni një pjesë të kualifikimeve të një pune, por besoni se përsëri mund të keni sukses në atë rol, aplikoni.

     8. Përgatituni për intervistë

Nëse pas aplikimit ju ftoheni në intervistë pune për të diskutuar në detaje rreth pozitës, ju duhet të bëni më të mirën tuaj pasi në këto raste, përgatitja është thelbësore.

Para se të shkoni në një intervistë, sigurohuni që të njihni historikun e kompanisë, pozicionin për të cilin po aplikoni dhe personin me të cilin po takoheni. Kur të ndiheni të përgatitur, do të jeni më të sigurt dhe do të keni një shans më të mirë për të bërë përshtypje intervistuesit tuaj.

Më poshtë mund të gjeni disa këshilla se si të veproni para intervistës:

     1. Përgatituni për intervistë dhe hulumtoni kompaninë.

     2. Sillni një kopje të CV-së tuaj dhe një listë të referencave.

  3. Mbërrini herët dhe jini të përgatitur që intervista të fillojë siç është planifikuar.

    4. Bëni një përshtypje të mirë të parë duke u veshur profesionalisht.

    5. Jini të gatshëm t'i përgjigjeni pyetjeve në lidhje me aftësitë dhe përvojën tuaj.

     9. Ndiqni procesin e rekrutimit

Në botën e shitjeve dhe biznesit, ndjekja pas një interviste për punë është diçka që duhet ta bëni absolutisht. Punëdhënësi juaj i ardhshëm do të ketë shumë njerëz që intervistojnë për të njëjtin rol dhe ata ka janë të ngarkuar me informacione për secilin aplikant. 

Për tu veçuar ju duhet t'i dërgoni intervistuesit tuaj një email vijues të shkurtër duke i falenderuar për kohën e tyre dhe duke përsëritur sesi mund të bëni një ndikim pozitiv në rolin e tyre. Ndërsa prisni për një përgjigje, vazhdoni të kërkoni dhe të aplikoni në punë që ju interesojnë.