Agjension apo Pronarë – Nga kush ta marrim apartmentin me qira?

Nëse jeni në dilemë nëse duhet të merrni apartment me qira nga pronari apo agjensioni i patundshmërise, këtu mund të gjeni disa këshilla që do ju ndihmojnë të vendosni.

Gjëja e parë që duhet të keni parasysh është se pronarin e shtëpisë nuk është e thënë ta keni mik. Gjithashtu nuk duhet të krijoni pritje të rrejshme që pronari të ju përgjigjet për secilin problem që ju mund ta keni gjatë banimit në apartmentin e tyre. Zakonisht pronarët e shtëpive interesohen që mos të ketë ndonjë prishje gjenerale dhe për pagesat e qirasë në fillim të muajit.

Gjatë negocimit të kontratës, mund të jetë më e dobishme nëse për gjetjen e apartmentit keni angazhuar një agjension patundshmërie.

Mënyra se si agjensionet e patundshmërisë funksionojnë në vendin tonë mund të jetë një avantazh i madh për qira-kërkuesit. Ju nuk paguani asgjë tek agjensioni sepse pronari i apartmentit do të jetë tanimë në marrëveshje me ta. Laramania e apartmenteve, lokacioneve dhe çmimeve e bëjne një agjension patundshmërie si zgjidhjen më të lehtë. Me fjalë të tjera nësë zgjidhni agjensionin, atëherë do keni më shumë mundësi zgjedhje.

Si te gjeni pronarë apo agjensione patundshmërie?

Online

Interneti është sot mënyra më efikase e gjetjes së apartmenteve me qira. Një kërkim i thjeshtë në një uebfaqe, mund të të nxjerrë përpara me mijëra opsione nga më të ndryshmet. Filtrimin e rezultateve mund ta bëni në bazë të lokacionit, çmimit apo madhësisë së apartmentit.

Eksperienca të tjerëve

Ne të gjithë njohim njerëz që jetojnë në shtëpi me qira. Është e rekomandushme të pyesim të afërmit dhe miqtë rreth eksperiencave të tyre me qira-dhënësit apo agjensionet e patundshmërisë para se të fillojmë të kërkojmë.

Revistat, gazetat dhe shpalljet

Edhe pse një mënyre e vjetërsuar, akoma mund të jetë efektive të kërkojmë për shpallje në revista dhe gazeta apo në rruge. Rezultatet mund të mos jenë të kenaqshme sikur online, por nuk mund ta eliminojmë si opsion.

Në fund jeni ju ata që vendosni duke i besuar instiktit por edhe duke shikuar mundësitë tuaja.