iPhone është telefoni i mençur më i shituri në planet dhe për arsye të mira. Hardueri dhe softueri i Apple punojnë së bashku në harmoni, duke i bërë detyrat e përditshme dhe argëtimin më të lehtë se kurrë për t'u shijuar. 

iPhone 12 dhe iPhone 13 janë telefonat më të fundit nga Apple dhe kanë teknologjinë më të fundit të performancës dhe kamerës - megjithatë, cili është alternativa më e mirë për ju? Për t'ju ndihmuar të vendosni, ne kemi përpiluar një listë të veçorive më të rëndësishme duke i krahasuar ato më poshtë.

Nëse flasim për dizajnin që këto dy versione të iPhone kanë, mund të themi se janë shumë të ngjajshme apo pothuajse të njejtë në pamje. Të dy versionet iPhone 12 dhe iPhone 13 kanë sipërfaqe katrore, brez të sheshtë alumini në anësore dhe material xhami të lëmuar në pjesen e pasme.

    Ngjyrat

Duket sikur gjatë prodhimit të iPhone 12, Apple ka menduar për preferenca të ndryshme ngjyrash pasi ky model vjen ngjyrë vjollce, blu, jeshile, të kuqe, të gjelbërt, të bardhë dhe të zezë duke plotësuar kështu preferenca të ndryshme për blerësit. Në anën tjetër, iPhone 13 ofron 6 ngjyra duke përfshirë ngjyrën e kuqe, të hirit, e kaltërt e mbyllur, e pembe e hapur, e argjendtë dhe e gjelbërt.

Të dy versionet e iPhone, iPhone 12 dhe iPhone 13 kanë ekran Super Retina XDR 6.1 inç të gërshetuar me teknologjinë OLED të cilat kanë rezolucion prej 2532 x 1770. Megjithatë, i vetmi përmirësim që iPhone 13 ka, është ndriçimi maksimal i ekranit i cili mundësohet falë teknologjisë HDR. 

Dimensionet e këtyre dy versioneve të telefonave Apple janë pothuajse të njejta. I vetmi dallim qëndron tek thellësia dhe pesha e tyre. Dimensionet e iPhone 12 dhe iPhone 13 mund t’i gjeni të shënuara mëposhtë:

Dimensionet e iPhone 12:

Lartësia: 5,78 inç (146,7 mm)

Gjerësia: 2,82 inç (71,5 mm)

Thellësia: 0,29 inç (7,4 mm)

Pesha: 5,78 ons (164 gram)

Dimensionet e iPhone 13:

Lartësia: 5,78 inç (146,7 mm)

Gjerësia: 2,82 inç (71,5 mm)

Thellësia: 0,30 inç (7,65 mm)

Pesha: 6,14 ons (174 gram)

Kamerat e dyfishta të pasme të iPhone 13 janë të vendosura diagonalisht me njëra-tjetrën, ndryshe nga iPhone 12 tek të cilat kamerat janë të vendosura me orientimin vertikal. Të dy iPhone 12 dhe iPhone 13 kanë një sistem të dyfishtë kamerash 12 MP me kamera Wide dhe Ultra Wide në anën e pasme ndërsa në pjesën e përparme do të gjeni një kamerë selfie me hapje 12MP f/2.2.

Ndërsa iPhone 12 dhe iPhone 13 kanë kamera me specifika të ngjashme, iPhone 13 ofron video me kualitet Vision HDR me një shpejtësi më të lartë të kuadrove, modalitet kinematografik dhe stile fotografike, si dhe përmirësime harduerike si sensori më i madh dhe stabilizimi i zhvendosjes së sensorit. 

Kamera e iPhone 12 është ende shumë e aftë dhe kualitative, sidoqoftë nëse dëshironi të keni kamerë e cila ofron më shumë opsione fotografie dhe videografie dhe cilësi të përmirësuar të imazhit, iPhone 13 është opsion më i mirë për ju.

IPhone 12 është i disponueshëm me opsionet e ruajtjes 64 GB, 128 GB dhe 256 GB, ndërsa iPhone 13 është i disponueshëm me opsionet e ruajtjes 128 GB, 256 GB dhe 512 GB. Kjo do të thotë që nëse keni nevojë për më shumë se 256 GB hapësirë ​​ruajtëse, do t'ju duhet të merrni iPhone 13 për të pasur mundësinë e një kapaciteti më të madh ruajtjeje prej 512 GB. 

Përndryshe, përveç se iPhone 13 ka sjellur një hapsirë më të madhe ruajtje prej 512 GB nuk ka asnjë ndryshim midis pajisjeve për sa i përket opsioneve të ruajtjes.

Deri më tani kemi vërejtur se shumica e specifikave mes iPhone 12 dhe iPhone 13 janë pothuajse të ngjajshme. Megjithatë, një përmirësim në jetëgjatësinë dhe efikasitetin e baterisë së iPhone 13 bën një ndryshim mes dy versioneve. 

Sipas Apple, iPhone 13 zgjat deri në 2.5 orë më shumë se iPhone 12, përmirësim ky i cili është mundësuar nga efikasiteti i A15 Bionic. Përveç kësaj ka ndryshim edhe në madhësinë fizike pasi pesha e baterisë së iPhone 13 është më e madhe se ajo e iPhone 12. 

Nëse jeni përdorues i iPhone dhe keni kërkuar për një iPhone të ri, me siguri jeni kurioz se çfarë të merrni parasysh ndërsa merrni vendimin tuaj përfundimtar. Ndërsa të gjithë iPhone-ët kanë bërë përmirësime, secili prej tyre ka veçori unike që e bëjnë atë të dallohet nga të tjerët. Është e rëndësishme të jeni të vetëdijshëm për këto ndryshime në mënyrë që të merrni vendimin e duhur për blerjen.

Ka kaq shumë aspekte të ndryshme për t'u marrë parasysh përpara se të blini një iPhone të ri. Së pari, duhet të vendosni se cilën pajisje Apple do të blini - iPhone 12, iPhone 12 Pro max, iPhone 13, iPhone 13 Mini ose iPhone 13 Pro Max. Pastaj ju duhet të vendosni për specifika si ngjyra, kapaciteti i ruajtjes, gjendjen e baterisë,  kamera dhe mbi të gjitha çmimi që kjo pajisje ka në treg.

Si përfundim, se cilin nga këto dy versione do të blini, pra iPhone 12 apo iPhone 13, e gjitha varet se cilin model të telefonit ju keni aktualisht. Nëse aktualisht jeni duke përdorur iPhone X apo iPhone 11 dhe dëshironi të blini një iPhone të ri, pa dyshim ne ju rekomandojmë të blini një iPhone 13 në vend të iPhone 12.

Kjo pasi me këtë blerje ju do të merrni telefon me përmirësime si në kamerë, jetëgjatësi të baterisë dhe ndryshime në performancë. Sidoqoftë kjo gjithashtu varet edhe nga buxheti që ju jeni i gatshëm të shpenzoni për këtë blerje.

Ndërsa, për të gjithë ju që jeni duke përdorur iPhone 12, atëherë ne besojmë që kalimi në iPhone 13 nuk është i nevojshëm pasi iPhone 12 ka ende një përformancë dhe specifika të jashtëzakonshme.