10 Këshilla për të rritur aftësinë tuaj në timon

Drejtimi i makinës është një aftësi e nevojshme për shumë prej nesh. Neve na duhet të vozisim për në punë, për të bërë pazar, për në shkollë dhe për arsye të tjera të rëndësishme. Sidoqoftë, përveç punëve të cilat mund t’i kryeni me të, vozitja është gjithashtu një aktivitet i rrezikshëm që mund të çojë në dëmtime serioze nëse nuk bëhet siç duhet, ose nëse një person nuk është i përgatitur për të papriturat që mund të sjellë trafiku.

Ajo që shumë shoferë nuk e kuptojnë është se gjithmonë ka vend për përmirësim. Ka shumë teknika që mund t'ju bëjnë një shofer më me përvojë dhe më të sigurt. Shikoni ato mëposhtë. 

     1. Rikthehuni tek gjërat themelore

Të gjithë mundohemi të bëjmë më të mirën si në teori ashtu edhe në praktikë për testin e vozitjes. Të sinjalizoni në çdo kthesë që merrni, madje edhe në rikferc, të ndaleni pranë tabelës “STOP”, etj. Ne shumë shpesh neglizhojmë përdorimin e këtyre praktikave që luajnë rol kyç në sigurinë tuaj gjatë vozitjes

Prandaj ktheuni tek gjërat bazike që keni mësuar në fillim. 

     • Kur bëni një kthesë të majtë, për shembull, futuni në korsinë e majtë në rrugën ku ktheheni

     • Jepni sinjal kur ndërroni shirtin

     • Mos prisni qoshin por bëni kthesë të plotë

Duke zbatuar këto rregulla, ju zbatoni ligjin dhe ruani sigurinë tuaj në trafik.

     2. Pozicionimi i duhur i duarve në timon

Poziciononi duart tuaja anash dhe lërini të relaksohen. Nëse jeni duke kapur timonin ashpër, ndalojeni! Kjo nuk po ndihmon. Ju duhet të qëndroni lirshëm në timon. Relaksoni duart dhe lërini të bien rehat në përputhje me shpatullat tuaja. Ju duhet të jeni në gjendje ta mbani këtë pozicion për një kohë të gjatë. 

Shoferët kanë përdorur pozicionet e orës 10 dhe 2 për të mbajtur duart mbi timon për dekada. Por udhëzimet e fundit kanë sjellë disa ndryshime në këtë praktikë shekullore. Tani rekomandohet të mbani duart në një pozicion më të ulët, të themi ora 9 dhe 3 ose 8  dhe 4. Këto pozicione ju japin kontroll dhe qëndrueshmëri më të mirë gjatë ngasjes dhe në të njëjtën kohë nuk ju lodhin krahët.

     3. Rregulloni pasqyret

Shumica e shoferëve rregullojnë pasqyrat e tyre anësore në mënyrë që të mund të shohin skajin e automjetit të tyre edhe pse ajo zonë shumë lehtë mund të vërehet nga pasqyrja kryesore në pjesën e parme të veturës.

Në vend të kësaj, ju duhet të uleni pranë timonit dhe vendosni kokën te dritarja nga ana e shoferit dhe rregulloni pasqyrën në atë mënyrë që mezi të shihni cepin e automjetit tuaj. Të njejtën procedurë duhet të bëni edhe nga ana e pasagjerit. Pra, të zgjasni kokën nga pasqyra e pasagjerit dhe të rregulloni pasqyrën deri sa mezi shihni cepin e automjetit nga kjo anë.

Kështu ju do të keni një pamje më të hapur dhe do të zvogloni këndin e vdekur. Me vendosjen e pasqyrave në kë të pozicion ju gjithashtu do të jeni në dijeni se çfarë po ndodh prapa jush apo afër automjetit tuaj në komunikacion.

     4. Përdorni manovrën “S” në korsitë e kthesës në të majtë

Kur kthehemi majtas, shumica prej nesh tërhiqet në kryqëzimin e dedikuar, të kompensuar nga kthesa e majtë dhe fillojmë të kthejmë rrotat tona në të majtë.

Kjo është një lëvizje e gabuar pasi rrotat tona duhet të drejtohen drejt përpara për të shmangur goditjen në trafik që vjen përpara nëse goditemi nga prapa. Në vend të kësaj, kur hyni në një kryqëzim nga një korsi me kthesën e majtë, bëni një lëvizje larg në cep të rrugës, më pas drejtohuni dhe drejtojini rrotat drejt përpara.

     5. Lini më shumë hapësirë mes veturave

Rekomandohet që gjatë udhëtimit tuaj, qoftë në autostradë apo në qytet të lini një hapësirë të konsiderueshme mes jush dhe veturës para jush. Kjo hapësirë do ju duhet që në rast të ndaljeve të papritura ju të jeni të gatshëm të reagoni shpejtë me frenim dhe të evitoni një aksident të mundshëm.

6. Mësoni të navigoni rrethrrotullimet

Rrethrrotullimet janë një nga mënyrat më efikase dhe më të sigurta për të zvogëluar bllokimin e trafikut dhe për të shpejtuar kohën e udhëtimit. Sidoqoftë, shoferët e rinj ashtu si ata me eksperiencë nganjëherë mund të hasin në vështirësi të navigojnë në të. 

Ne ju rekomandojmë të shikoni një video 2 minutëshe e cila demonstron se si mund të kyçeni në rreth rrotullim si dhe rregullat e duhura. Videon mund ta shikoni duke klikuar këtu.

7. Mbajeni vëmendjen tek rruga

Shumica e shoferëve humbin fokusin dhe gjatë vozitjes shikojnë vetëm në një drejtim për një kohë të gjatë, pa pasur vëmendjen tek rruga dhe vetura. Në shumicën e rasteve fokusi është automjeti që gjendet para tyre, gjë e cila mund të shkaktojë aksident të mundshëm pasi ju i afroheni automjetit pa e kuptuar realisht se sa afër tij ndodheni.

Shikimi juaj gjatë vozitjes duhet të fokusohet tek pasqyret në mënyrë që të jeni në gjendje të dalloni se çfarë po ndodh rreth jush apo rreth automjetit tuaj si dhe rrethanat në të cilat komunikacioni gjendet.

     8. Respektoni shpejtësinë

Kufijtë e shpejtësisë përdoren për të vendosur shpejtësinë maksimale ligjore të automjeteve në rrugë. Autoritetet rrugore shpesh vendosin kufizime të shpejtësisë më të ulët në zonat me rreziqe të tilla si: këmbësorët dhe kafshët, kryqëzimet dhe zonat shkollore, etj. 

Kufijtë e shpejtësisë mund të përdoren gjithashtu për të zvogëluar mundësinë e një aksidenti si dhe për të monitoruar shpejtësinë e automjeteve dhe për të përmirësuar sigurinë.

     9. Mos vozisni nën ndikimin e alkoolit apo substancave narkotike

Ngasja nën ndikim është e paligjshme dhe e rrezikshme për ju, pasagjerët tuaj dhe shoferët e tjerë në rrugë. Kjo është gjithashtu një rrezik i madh për shëndetin tuaj. Sa më shumë që vozisni pas pirjes ose përdorimit të drogës, aq më i madh është rreziku i përfshirjes në një aksident që çon në lëndime ose vdekje.

    10. Vozisni sipas kushteve në rrugë

Vozitja në 60 km / h në një rrugë me një shpejtësi të shënuar prej 60 km / h është krejtësisht normale në një ditë të ndritshme dhe të thatë. Por mund të mos jetë ide e mirë të bësh të njëjtën gjë në një ditë me shi, me dëborë ose me mjegull. Kjo mund të çojë në një aksident dhe për këtë është e rëndësishme për ju të gjykoni kushtet e rrugëve dhe klimës kur jeni duke vozitur.

Drejtimi i një automjeti mund të duket i frikshëm në fillim, me shumë manovra, shenja dhe rreziqe që lidhen me të. Me këto këshilla ju do të shmangni rreziqet në rrugë dhe do të përvetësoni aftësitë tuaja të vozitjes.