Punë sezonale dhe gjysëm orari për studentët – financimi i studimeve dhe udhëtimeve

Sipas statistikave, gati 80% e studentëve në botë punojnë punë gjysëm orari që të financojnë studimet e tyre, kurse kostot e jetesës për studentët ngrihen nga viti në vit. Duke pasur parasysh që jo secili prind mund të mbështesë fëmijët e tyre gjatë studimeve, atëherë puna me gjysëm orari apo puna sezonale mund të jetë zgjidhje e mirë për ju.

Të punoni gjatë studimeve nuk është një gjë e lehtë për ta bërë, por do ju ofrojë një shkallë të pavarësisë e cila është shumë e nevojshme në këtë periudhë të jetës. Benefitet e të punuarit gjatë studimeve nuk janë vetëm financiare, por krijojnë dhe mundësinë e përfitimit të përvojës dhe të mësuarit e gjërave të reja. Disa studentë preferojnë të punojnë gjatë studimeve në mënyrë që të krijojnë përvojë, dhe të jenë të gatshëm për punësim të plotë kur të mbarojnë studimet.

Shumë kolegje private ofrojnë mundësi praktike dhe punësimi për studentët e saj, duke iu ndihmuar atyre të financiojnë tarifat studimore.

Përveq punës me orar të shkurtër, opsion tjetër është edhe puna sezonale. Puna gjatë pushimeve është një ide shumë e mirë. Sapo të mbarojnë provimet e deri në fillimin e semestrit tjetër, ju mund të shfrytëzoni kohen për të punuar, duke financuar kështu studimet tuaja. Disa nga punët që ju mund të bëni është kamarier, recepsionist, kuzhinier, shitës apo zyrtar banker.

Si të gjeni punë gjysëm orari apo punë sezonale?

Mënyra më efikase që të gjeni punë gjatë studimeve tuaja është në uebfaqet e ndryshmë siç është MerrJep. Perveq portale të punësimit, ju mund të lajmroheni tek qendrat e karrierës në kolegjet tuaja si dhe të shfletoni shpalljet e ndryshme.