Si të regjistroni shpallje në MerrJep

Pas shumë pyetjeve që kemi pranuar nga ju, kemi vendosur që të shfaqim hap pas hapi procesin e regjistrimit të shpalljes në MerrJep.

Postimi apo regjistrimi i shpalljes në MerrJep bëhet me qëllim të shitjes apo blerjes së produktit tuaj duke e vendosur kështu atë në mesin e mijëra shpalljeve dhe blerësve potencial.

Prandaj, nëse keni vendosur të shisni diçka tuajën apo të bleni çfarë ju duhet, eja në MerrJep.

Regjistrimi i shpalljes është falas dhe mund të bëhet në dy mënyra:

• Si person fizik dhe

• Si kompani

Procedura që duhet ndjekur për të regjistruar shpallje si person fizik apo si kompani është e njejtë, vetëm se, gjatë plotësimit të formularit për regjistrim të shpalljes ju duhet të selektoni nëse jeni person fizik apo kompani.

Ju mund të regjistroni shpalljen tuaj në MerrJep duke klikuar tek opsioni “Postoni shpallje falas” i cili gjendet në anën e majtë të faqes kryesore  Merrjep.com.

Pasi të klikoni tek opsioni “Postoni shpallje FALAS” juve do të iu ofrohen 3 opsione.

Ato janë:

• Opsioni “Kyçuni” cili përdoret për tu kyçur në MerrJep nëse keni llogari ekzistuese.

• Opsioni “Krijoni Llogari” i cili iu mundëson të krijoni llogari private apo si kompani në MerrJep. (Klikoni këtu për të parë si krijohet llogaria).

• Opsioni “Jo faleminderit, dua vetëm të regjistroj shpallje”.

Opsioni me të cilin ju duhet të vazhdoni për të regjistruar një shpallje në MerrJep, pa pasur nevojë të krijoni llogari, është opsioni “Jo faleminderit, dua vetëm të regjistroj shpallje”

Pasi të klikoni tek ky opsion, ju do të drejtoheni tek formulari për mbushjen e informacioneve rreth produktit që dëshironi të shisni. Informacionet të cilat ju do ti vendosni në hapësirat e zbrazëta, do të shfaqen nën produktin të cilin vendosni ta shisni.

Kategorizimi i regjistrimit bëhet për të ua lehtësuar punën klientave në mënyrë që ju ta keni më të thjeshtë postimin e shpalljeve në kategoritë e caktuara.

1.  Regjistrimi i shpalljes

Regjistrimi i shpalljes në MerrJep bëhet atëherë kur një person i thjeshtë,apo kompani dëshiron të shes apo të blejë produkte të ndryshme.

Për të vazhduar me regjistrimin e shpalljes ju duhet së pari të plotësoni formularin për regjistrim të cilin e shihni në foton më poshtë:

Plotësimi i formularit me të dhëna personale

Në pjesën e parë ju duhet të plotsoni formularin me të dhënat e juaja personale me të cilat pas postimit të shpalljes, blerësit potencial do të ju kontaktojnë përmes informatave të postuara nga ju.

Të dhënat që duhen plotësuar në këtë pjesë të formularit janë:

1. Emri

Këtu ju duhet të shënoni emrin dhe mbiemrin tuaj.

2. E-mail

Shënoni një email të cilën e keni në përdorim.

3. Telefoni

Numrin tuaj personal përfshirë prefiksin (+383) ku blerësit potencial mund të ju kontaktojnë për produktin që ju shisni.

• Viber-Skype-Whatsapp

Kjo hapësirë nuk është e domosdoshme të plotësohet.  

Mirëpo nëse ju doni të keni komunikim më të shpejtë dhe pa shpenzime me blerësin, vendosni numrin i është i çashmëm në njërën nga platformat e përmendura.

2. Plotësimi i formularit me informacione rreth produktit 

Të dhënat të cilat ju duhet t’i shënoni në këtë pjesë janë:

Plotësimi i të dhënave rreth shpalljes

1.  Kategoria

Në këtë pjesë ju zgjedhni kategorinë e cila i përshtatet produktit tuaj.

P.sh (Veturë, apartament, shtëpi, telefon mobil) etj. Pasi të zgjedhni kategorinë ju do të keni mundësinë të selektoni nëse ky produkt shitet, blihet apo jepet me qera.

2. Komuna

Këtu ju duhet të shënoni komunën në të cilën ju banoni.

Kjo është shumë e rëndësishme të ceket sepse në momentin që ju postoni shpalljen tuaj, blerësit që janë duke kërkuara për produkt të ngjajshëm me produktin tuaj në komunën tuaj, do të shohin shpalljen që ju keni postuar.

3. Titulli

Këtu ju duhet të vendosni titullin e produktit tuaj, P.sh (Shitet Shtëpia).

4. Përshkrimi

Përshkruani cilësit që produkti juaj ka. Ky informacion do ta bëjë më të lehtë shitjen e produktit tuaj. P.sh në rast se shisni Shtëpinë ju duhet të tregoni sa m2 është shtëpia, sa dhoma ka si dhe detaje të tjera të saj.

5. Çmimi

Vendosja e çmimit është opsionale. Pra, ju mund të mos e vendosni atë nëse dëshironi.

6. Fotografi/Video

Fotografitë apo videot e produktit që ju do të shisni janë gjëja më e rëndësishme e gjithë shpalljes suaj.

Prandaj, sigurohuni që fotografitë apo videot që ju postoni të kenë kualitet të lartë dhe të paraqesin produktin tuaj në mënyrën më të mirë të mundshme. Formati i fotografive të cilët ngarkohen për shpallje duhet patjetër të jetë jpg, gif ose bmp.

Pasi të keni përfunduar plotësimin e këtyre informacioneve, ju duhet të klikoni tek butoni “Hapi tjetër” për të vazhduar me rishikimin e shpalljes suaj.

3. Verifikimi i shpalljes

Në këtë pjesë ju do të keni një pasqyrim të informacioneve që keni dhënë më parë dhe të rishikoni të dhënat para se ta publikoni shpalljen.

Rishikimi i shpalljes para publikimit

Nëse keni bërë ndonjë gabim apo dëshironi që të ndryshoni detaje nga të dhënat e juaja atëherë ju mund ta ndryshoni shpalljen duke klikuar tek butoni “Ndryshoni Shpalljen” i cili gjendet në fund të faqes.

Nëse tashmë shpallja juaj është në rregull për tu postuar, vendosni një fjalëkalim të sigurtë dhe mbajeni mend atë sepse do të ju duhet përsëri për tu kyçur në shpallje.

Pasi të vendosni fjalëkalimin, klikoni tek butoni “Postoni Shpalljen” dhe shpallja juaj do të publikohet pasi të rishikohet nga administratorët e MerrJep.com