Rendi i punës gjatë renovimit të përgjithshëm të banesës

Renovimi i banesës suaj mund të jetë një proces I lodhshëm dhe i ndërlikuar. Sidoqoftë, është një proces i detyrueshëm për ta bërë vendbanimin tuaj më komod dhe tërheqës. Mbi të gjitha, veprime të tilla jo vetëm që përmirësojnë komoditetin e të jetuarit në të, por gjithashtu zgjasin jetën e elementeve të tij.

Shumica e njerëzve, veçanërisht nëse është hera e parë që ata do të rinovojnë banesën e tyre, nuk janë të sigurt se çfarë të bëjnë së pari. Në këtë artikull, ne do t'ju ndihmojmë me hapat e parë në mënyrë që të mund të merrni vendimet e duhura dhe të përfundoni punën në kohën më të shkurtër të mundshme.

Planifikoni punët

Para se të filloni renovimin e banesës tuaj, së pari vlerësoni pjesën e banesës që dëshironi të renovoni dhe vendosni se cilat janë ndryshimet që dëshironi të bëni.

Pjesa e planifikimit përfshin të vendosni se ku të filloni renovimin. Pavarësisht se cilën pjesë të banesës vendosni të renovoni, ju duhet të siguroheni që t’I kryeni detyrat sipas rendit dhe të merrni parasysh çdo detaj.

Planifikoni buxhetin

Kostot që faktorizojnë një rimodelim të banesës variojnë dhe shpesh herë mund të jenë të ndryshme nga sa mendoni, kështu që filloni të përpiloni një listë të gjërave që duhet t’i keni apo dëshironi t’i përfshini në renovimin tuaj. Hulumtoni tregun për të përcaktuar kostot mesatare për artikujt për të cilët keni nevojë.

Caktoni një shumë përfundimtare të parave për të vendosur se sa do të shpenzoni gjatë renovimit. Duhet të keni parasysh që në shumicën e rasteve buxheti I caktuar mund të tejkalohet, Prandaj, është mire që të tejkaloni shumën e caktuar për shkak të kostove të papritura që mund të dalin shtesë gjatë renovimit.

Krijoni një listë për gjërat që duhet t’i bëni

Ashtë shumë më e lehtë të bësh përmirësime në shtëpi duke pasur një plan në mendje. Analizoni shtëpi të tjera të rinovuara në zonën tuaj dhe përpiquni të zbuloni se cilat gjëra në banesën tuaj duhet të ndryshohen. Vëzhgoni nga afër çdo aspekt të projektit dhe sigurohuni që keni përfshirë çdo detaj.

Vendosni prioritet për punët më të rëndësishme që duhet bërë

Çdo punë në listën tuaj të detyrave duhet të ketë një përparësi. Ju duhet të analizoni rëndësinë e punës dhe t'i jepni përparësi asaj. Pra, duhet të jeni në gjendje të shihni kur dhe çfarë pune duhet të bëhet. Prandaj sigurohuni që të filloni me detyra veçanërisht urgjente dhe që kanë prioritet për të filluar renovimin.

Cila dhomë duhet të renovohet e para?

Para se të filloni me renovimin e banesës, është e rëndësishme se me cilën dhomë të fillohet më parë. Preferohet të filloni me dhomën që është më larg nga dera juaj e hyrjes. Pastaj, vazhdoni të punoni në dhoma të tjera në këtë mënyrë. Kjo do t'ju ndihmojë të shmangni ecjen nëpër dhoma që janë rinovuar dhe të vazhdoni me dhomat e tjera pa pengesë.

Zhvendosni mobiljet nga dhomat që do të rinovohen

Në mënyrë që të keni hapësirën e nevojshme për të filluar renovimin dhe të bëni ndryshimet e nevojshme, ju duhet të zhvendosni mobiljet nga dhomat që keni planifikuar t’i renovoni.

Varësisht se sa dhoma ka banesa juaj, ju mund t’I lëvizni mobiljet nga njëra dhomë tek tjetra apo t’i zhvendosni ato në koridoret e banesës, në podrume apo garazhë.

Përgatitni muret për ngjyrosje

Nëse po mendoni t’i ngjyrosni muret me dizajne të ndryshme dhe jo në mënyrën klasike me një ngjyrë të vetme, përgatitja e mureve mund të marr pak kohë. 

Procedurat për përgatitjen e mureve:

• Ndani pjesët e murit me ngjitës letre apo ngjitës për ngjyrë

• Vishni syze sigurie dhe rroba të vjetra në rast se ngjyra spërkatë.

• Pastroni pluhurin dhe pastroni muret me një peshqir ose një fshesë me korrent.

• Materialet që duhet të keni në dorë kur bëheni gati për të ngjyrosur janë: hapës për kutinë e ngjyrës, shkopinj, penelë apo brushë rrotulluese për ngjyrë, doreza dhe lecka për pastrim.

Ngjyrosja e mureve, vendosja e tapetave apo materialeve tjera dekoruese

Ngjyrosja e mureve duhet të jetë procedura e fundit e renovimit pasi ngjyra mund të dëmtojë punët tjera paraprake të bëra nga ju.

Sa i përket çështjes se a duhet të ngjyrosni muret para se të renovoni dyshemenë tuaj ose pjesën e kundërt? Kjo është e diskutueshme.

Renovimi i dyshemesë së pari do të thotë që ngjyra mund të bie dhe të futet në dysheme. Ndërsa ngjyrosja e murit së pari do të thotë që lëmuesi i dyshemesë mund të heqë muret tuaja.

Marrë parasysh këto detaje, ju duhet të vendosni në bazë të preferencave tuaja nëse dëshironi të ngjyrosni apo të lëmoni dyshemenë së pari si dhe të zgjedhni kompani për ngjyrosje apo persona që ofrojnë punë si moler.

Renovimi i dyshemesë 

Para se të filloni renovimin e dyshemesë, është e rëndësishme t'i bëni vetes disa pyetje në lidhje me buxhetin tuaj, materialet që do të zgjidhni dhe rezultatin që po kërkoni.

Pyetja e pare që duhet t’ia bëni vetës është nëse mund ta rinovoni dyshemenë aktuale apo duhet patjetër të ndërrohet. Rinovimi i dyshemesë nuk është gjithmonë opsion i mundshëm.

Nëse keni nje dysheme shumë të dëmtuar ne ju sugjerojmë të konsultoheni me ekspertë të cilët ju tregojnë nëse dyshemeja juaj mund të riparohet apo duhet të ndërrohet ajo. 

Përveç kësaj dileme, ju gjithashtu duhet të zgjedhni materialet, preferencat tuaja estetike, nëse do ta bleni ju vetë materialin për dysheme si dhe të caktoni buxhetin tuaj për këtë pjesë të shtëpisë.

Përgjigjjet e të gjitha këtyre pyetjeve mund t’i merrni në bashkëpunim me kompaninë që kryen këto shërbime në mënyrë që të zgjedhni më të mirën për shtëpinë tuaj.

Përfundoni detajet e fundit

Pasi çdo gjë është përfunduar, është koha të shtoni ato detaje dhe zbukurime të fundit - piktura përfundimtare, raftet zbukuruese, pajisjet e dritës etj. Sa i përket ndriqimit, nëse keni tavane të larta, një zgjidhje alternative mund të jetë instalimi i një tavani të rremë në mënyrë që të mund të vendosni drita LED të e mbyllura ose dritat të varura me dizajne të përshtatshme për ambientin tuaj.

Sapo të përfundojë renovimi i banesës, është koha të vendosni mobiljet dhe të gjitha paisjet tjera që do ju ndihmojnë të ndiheni sikur në shtëpinë tuaj, Sigurohuni që të merrni një moment për të shijuar mjedisin tuaj të ri dhe punën e madhe që është bërë.