Shpenzimet shtesë të blerjes së një veture të re

Blerja e një veture të re e është eksperiencë të cilën të gjithë e konsiderojnë si të suksesshme dhe mjaft atraktive. Kjo sepse të keni në pronësi një veturë të jep ndjenjën e lirisë së lëvizjes për të shkuar në çdo vend pa pasur nevojë të brengoseni për transport.

Megjithatë, ju duhet të shikoni përtej kësaj. Shpenzimet shtesë që vijnë pas blerjes së veturës janë më të shumta se çfarë ju mund të mendoni në realitet.

Lexoni me vëmendje dhe zbuloni se cilat janë ato.

1. Tarifa për regjistrim të veturës

Në mënyrë që ju të keni të drejtë të vozisni veturën e sapo blerë, ju së pari duhet ta regjistroni atë. Regjistrimi i veturës është shpenzim i vazhdueshëm për të cilin ju duhet të brengoseni për sa kohë ju do ta keni veturën në pronësi.

Çmimi varion varësisht se sa cm3 (centi metra kubik) ka vetura juaj. Pra, para se të regjistroni veturën tuaj ju duhet t’I keni të gjitha informacionet e duhura në lidhje me këtë informacion, në mënyrë që të jeni në dijeni se sa duhet të paguani.

2. Sigurimi i veturës

Sigurimi i veturës bëhet në mënyrë që ju mos të brengoseni për çmimin e riparimit të veturën tuaj apo të personit tjetër në rast aksidenti. Sigurimi i veturës ofron ndihmë financiare edhe në raste kur ju vidhet vetura apo iu dëmtohet.

Egzistojnë kompani të shumta të sigurimeve në Kosovë të cilat ofrojnë pako të ndryshme sigurimi. Para se të vendosni se me cilën kompani dhe me çfarë të vazhdoni krahasoni kompanitë dhe ofertat që ato kanë në mënyrë që të vazhdoni me atë që iu përshtatet më shumë.

3. Mirëmbajtja

Mirëmbajtja e veturës është shumë e kushtueshme por asesi nuk duhet të mënjanohet. Në mënyrë që ta vozisni veturën në gjendje të rregullt ju duhet ta dërgoni atë në servis së paku një herë në vit.

Gjërat që duhet kontrolluar në këtë servis janë ndërrimi i vajit, frenat, gomat, motorri, dritat, amortizuesit dhe pjesë të tjera që duhet ndërruar varësisht nëse janë të dëmtuara apo jo.

Ky është një proces nëpër të cilën vetura juaj duhet të kalojë patjetër. Prandaj, mos e shikoni çmimin sepse siguria gjatë vozitjes është gjëja e pare që duhet konsideruar.

4. Vlera e rishitjes

Çfarë duhet konsideruar para se jut ë vendosni për blerjen e një veture është vlera e rishitjes. Pra, vlera me të cilën ju mund ta shisni veturën pas blerjes.

Gjëja që do të dëmtonte më së shumti buxhetin tuaj është blerja e një veture me vlerë të ulët të rishitjes. Prandaj, ajo çfarë duhet të keni parasysh para se të bleni veturën është që të analizoni vlerën që ajo ka në treg dhe vitit të cilit ajo i përket.

Sa më e vjetër vetura, aq më shpejt do t’i bie vlera e rishitjes. Rënja e rishitjes varet gjithashtu edhe nga modeli dhe marka që vetura ka. Prandaj sigurohuni që po bëni zgjedhjen e duhur gjatë blerjes.