Këshilla se si të përgatisni veturën tuaj për dimër

Shumë pjesë të Kosovës tashmë kanë filluar të mbulohen nga bora dhe temperaturat e ulëta dimërore. Bora dhe breshëri sjellin një sërë sfidash në jetën e përditshme, prandaj është e rëndësishme që së paku mjeti me të cilin ju udhëtoni të jetë në gjendje të sigurtë për vozitje gjatë dimrit.

Këto janë disa nga këshillat që ju duhet t’i ndjekni për tu siguruar që vetura juaj të funksionojë siç duhet gjatë dimrit, si dhe të rris aftësinë e saj për të ju mbajtur sigurtë ju dhe familjen tuaj gjatë udhëtimit.

1. Kontrolloni baterinë e veturës dhe ndërrojeni atë nëse ka nevojë

Bateritë e makinave kanë tendencë të dëmtohen gjatë stinës së dimrit për shkak të shtresës e cila bie mbi to nga moti i ftohtë. Kjo për shkak se motorëve shpesh u kërkohet të bëjnë më shumë punë për shkak të vajit motorik i cili trashet nga temperaturat e ulëta. Prandaj, është e rekomandueshme të kontrolloni baterinë, kabllot, terminalet dhe lëngjet si dhe të siguroheni që nuk ka gërryerje në terminale dhe ta zavendësoni baterinë nëse e shihni të nevojshme.

Temperaturat e ulëta mund të shkurtojnë jetëgjatësinë e baterisë deri në 50%, prandaj sigurohuni që të testoni baterinë tuaj për të parë nëse ajo është në gjendje të rregullt. Nëse bateria juaj është më e vjetër se 3 vite, atëherë ju duhet ta ekzaminoni atë tek mekaniku në mënyrë që të shihni nëse bateria është në gjendje të rregullt për sezonën e dimrit.

2. Vendosni gomat e dimrit

Për shkak se gomat janë esenciale për navigim dhe siguri gjatë vozitjes, është shumë e rëndësishme që ju të investoni në goma të cilat e bëjnë të sigurtë vozitjen dhe vendosjen e veturës në tokë dhe parandalimin e rrëshqitjeve gjatë dimrit. Gomat e dimrit lëvizin më lehtë sesa gomat verore dhe ngjiten si duhet në borë duke bërë kështu që vetura juaj të frenojë më sigurtë.

Vozitësit në Kosovë duhet ta bëjnë ndërrimin e gomave të verës dhe të zëvendësojnë ato me të dimrit nga data 15 Nëntor deri më15 Mars. Kjo parashihet në ligjin e Kosovës pë rregullat e trafikut rrugor, mirëpo ekspertët ndërkombëtarë rekomandojnë që gomat duhet të ndërrohen posa temperaturat të bien në më pak se 7 gradë celsius. Ka raste kur bora e parë i zë shoferët të pa përgaditur pasi që ata i ndërrojnë gomat vetëm kur të shohin se bora ka filluar të bie. Kjo gjë është shumë e rrezikshme dhe duhet të evitohet.

Duhet të keni parasysh se ndërrimi i gomave të dimrit sanksionohet me ligj dhe bëhet për shkaqe sigurie. Prandaj, ju duhet të përdorni goma të dimrit dhe jo goma “all season” apo goma për çdo stinë. Për sigurinë tuaj dhe të pasagjerëve, është e domosdoshme të bëhet ndërrimi i katër gomave në mënyrë që vetura të jetë më stabile dhe të ketë fërkim,frenim dhe mbajtje më të mirë gjatë vozitjes.

3. Ndërroni vajin e veturës tuaj

Kur fillon moti i ftohtë, ju duhet të konsideroni të ndërroni vajin e veturës tuaj. Në këtë rast vaji të cilin ju do ta përdorni duhet të ketë trashësinë e duhur për veturën tuaj. Sa më ftohtë të jetë moti, aq më i hollë duhet të jetë vaji në motorin tuaj. Kjo sepse vaji ka tendencë të trashet pasi të ftohet, dhe nëse është shumë i trashë ai nuk do të bëjë punën si duhet për të mbajtur motron tuaj të formë të mirë.

Në mënyrë që të bëni zgjedhjen e duhur të vajit për veturën tuaj, kontrolloni manualin e veturës tuaj për udhëzime dhe sigurohuni që vaji i vendosur në motorin e veturës tuaj të jetë sipas udhëzimeve të cilat janë të rekomanduara në manual.

4. Kontrolloni antifrizin

Antifrizi është substance e cila ju duhet për të mbajtur motorin tuaj larg nga ngrirja në ditët me temperatura të ulëta. Pa antifriz, vetura juaj rrezikon të ngrij, duke ju lënë kështu në një situate të vështirë. Në mënyrë që ta anashkaloni këtë situatë, ju duhet të siguroheni që të keni një përzierje të saktë të antifrizit. Përzierja ideale e ujit dhe antifrizit brenda radiatorit tuaj duhet të jetë 50-50. Pra, 50 % ujë dhe 50% antifriz. Kjo do të parandalojë ngrirjen e përzierjes edhe në temperature shumë të ulëta dimërore.

Kontrollimin e përzierjes bëhet me anë të testuesit antifriz, i cili mund të gjendet në çdo dyqan të pjesëve të veturave. Duke e përdorur këtë testues ju do të ju njoftoj nëse keni përzierejn e duhur të antifrizit. Ju gjithashtu mund ta kontrolloni nivelin e antifrizit me anë të instruksioneve të cilat gjenden në manualin e veturës suaj.

5. Kontrolloni fshesat dhe ujin e xhamit

Pamja e vështirë gjatë vozitjes në sezonën e dimrit është situatë në të cilën do të gjendeni shumë shpesh. Reshjet e borës dhe kripa në xham, mund të bëjnë që fshesat të mos pastrojnë xhamin e veturës tuaj në mënyrën e duhur duke shkaktuar kështu vështirësi në vozitje. Fshesat zakonisht punojnë në mënyrë efektive për rreth një viti, prandaj posa të fillojë të bie bora e pare, sigurohuni që të kontrolloni gjendjen në të cilën fshesat janë dhe zëvendësoni ato nëse e shihni të nevojshme.

Një tjetër detaj që duhet konsideruar në këtë rast është kontrollimi i rezervuarit të ujit të fshesave. Sigurohuni që të keni ujë të mjaftueshëm dhe anashkaloni momentin e mbetjes pa ujë në stuhi bore. Mbushni rezervuarin e ujit të fshesave me lëng special për fshesa gjatë dimrit, sepse uji i zakonshëm mund të ngrijë. Kjo gjithashtu do të ndikojë edhe në lirimin e akullit dhe borës nga xhami i veturës tuaj, duke e bërë më të pastër pamjen tuaj në dimër.

6. Mbajeni plotë rezervuarin e karburantit

Kur ka shumë hapësirë boshe në rezervuar, mund të shfaqet lagështia, gjë e cila shkakton hollimin e karburantit dhe tendosje të panevojshme në pompat dhe pjesët tjera të makinës tuaj. Prandaj, në veturat të cilat nuk do të voziten shpesh gjatë dimrit, rezervuari duhet të jetë plotë, në mënyrë që rezervat e karburantit të mos hollohen.

Sa më shumë karburant në rezervuar, aq më pak ujë mund të ndërtohet. Me veturat që rrallë do të drejtohen gjatë dimrit, një rezervuar i plotë mund të ndihmojë në parandalimin e hollimit të karburantit gjatë stinës së dimrit, si dhe dëmtimet e mundshme të shkaktuara nga lagështia e brendshme. Ndërsa veturat të cilat voziten zakonisht, rezervuari duhet të jetë i mbushur më shumë se gjysma e tij.

7. Mbani me vete çantën për raste emergjente

Udhëtimi juaj me veturë gjatë kohëve me borë dhe temperatura të ulëta, nganjëherë mund të shoqërohet me situata të pakalueshme. Prandaj, është e rëndësishme që të përgaditeni për situata të ndryshme. Paisja me një çantë për raste emergjente, është e gjitha qfarë ju duhet për sezonën e dimrit.

Këto janë disa nga gjërat që ju duhet t’i keni në çantën tuaj për raste emergjente gjatë dimrit:

1. Batanije, çizme, dorëza dhe rroba të trasha.

2. Ushqim të konzervuar dhe ujë.

3. Kutinë e ndihmës së parë.

4. Bateri dore dhe dritë sinjalizuese.

5. Ujë për pastrimin e xhamave.

6. Fshesë për pastrimin e dorës dhe thyerjes së akullit.

7. Qese me material gërryes si rërë në rast se bllokoheni në borë

Këto këshilla do të ju ndihmojnë që të keni udhëtim të sigurtë gjatë kohës me borë dhe temperatura të larta. Për t'i gjetur gjërat që ju duhen për këtë periudhë, vizitoni MerrJep.com dhe bëjini tuajat paisjet dimërore që ju duhen për të siguruar udhëtimin tuaj.