Si të përgatisni veturën tuaj për shitje

Ka shumë arsye të cilat tregojnë se shitja e veturës tuaj privatisht është më mirë se sa ta tregtoni atë, apo ta shisni te një tregtar i makinave.

Një ndër arsyet më të rëndësishme është ajo financiare.

Ju do të keni mundësinë të fitoni më shumë para nga një person fizik të cilit ju do t’ia shisni veturën tuaj, sesa nga një tregtar i veturave.

Përveç kësaj, ju do të ndiheni më i kënaqur kur do ta dini se vetura juaj është në duar të sigurta, pranë pronarit të ardhshëm.

Shitja e një automjeti nuk është proces i lehtë. Në fakt, kërkon mjaft punë për ta përmbyllur këtë process si një shitje të suksesshme.

Gjërat që duhet t’i konsideroni për ta përgatitur veturën për shitje janë:

1.  Mendoni si blerës

Të gjithë e dimë çfarë duan blerësit, çmimin më të mirë të mundshëm. Prandaj, nëse edhe ju e keni këtë qëllim, ju duhet të vendosni veten në pozitën e blerësit dhe të rrisni shanset për ta arritur qëllimin tuaj, pra, ta shisni veturën me çmimin më të mirë të mundshëm.

Si ta arrini këtë?

Inspektoni veturën nga të gjitha këndet:

• Shikojeni atë nga distanca.

• Inspektojeni atë nga afër.

• Hyni brenda dhe shikoni nëse gjithçka është në rregull.

Nëse gjatë inspektimit vëreni gërvishje, zbehje të ngjyrës apo diçka tjetër, ju duhet ta riparoni atë në mënyrë që vetura të jetë gati për shitje. Riparimi i gërvishjeve dhe zbehja e ngjyrës ndikojnë në pamjen fizike të veturës suaj. E gjithë kjo mund të bëhet në Autolarje tek të cilat ofrohet ky shërbim.

2. Pastrojeni veturën

Varësisht nëse jeni duke e shitur veturën tek një person fizik apo tregtar të makinave, ju duhet të keni për qëllim të rrisni vlerën e saj. Për ta arritur këtë ju duhet ta bëni veturën tuaj sa më tërheqëse për blerësin.

Me pak mundim ju mund t’i jepni veturës suaj një pamje krejtësisht tjetër duke synuar kështu çmimin më të mirë të mundshëm.

Pastrojeni veturën tuaj nga brenda dhe jashtë sepse kjo është detaji i parë që bie në sy gjatë prezantimit të veturës tek blerësi. Ju duhet të siguroheni që blerësi potencial ta shohë veturën në gjendjen më të mirë të mundshme. Prandaj, kontrolloni zonën e brendshme të veturës dhe largoni të gjitha gjërat personale nga vetura.

Ja cilat janë pjesët tek të cilët ju duhet të fokusoheni gjatë pastrimit të veturës:

• Pastrimi i dritareve, brenda dhe jashtë.

• Dorezat e dyerve.

• Pastrimi i brendshëm me fshesë elektrike.

• Pastrimi i tapetave.

• Organizimi i bagazhit.

• Pastrimi i ambientit të brendshëm me sprej për shkëlqim.

• Pastroni ulëset.

• Vendosni aromatizues.

Një veturë e pastër i jep përshtypjen blerësit se ju e keni mirëmbajtur veturën dhe e keni vlerësuar shumë atë. Prandaj, nëse nuk keni kohë ta pastroni veturën personalisht, dërgojeni atë në Autolarje sepse ky është proces i cili duhet kryer patjetër.

3. Bëni fotografi

Pasi ta pastroni veturën, është koha për fotografi. Fotografimi i veturës luan rol kyç ne procesin e shitjes së veturës.

Tashmë prezantimi i veturës tek blerësi potencial bëhet me anë të fotografisë. Dhe nëse fotografitë nuk janë kualitative, atëherë, ju mund të humbni blerësit potencial. Kjo sepse, nëse fotografitë janë jo kualitative, askush nuk do të shikonte veturën tuaj për herën e dytë edhe nëse çmimi është i përshtatshëm.

Ndiqni këto këshilla për ta fotografuar veturën në mënyrën më të mirë te mundshme:

1.  Zgjedhni kohën dhe lokacionin e duhur për fotografi

Koha dhe vendi se ku ju zgjedhni të bëni fotografitë e veturës suaj ka shumë rëndësi.

Në mesditë drita është shumë e vrazhdë dhe mund të ia humb shkëlqimin veturës. E njëjta gjë vlen edhe për fotografimin e veturës në mbrëmje. Mos e bëni atë. Blici nuk mund të zëvendësohet me dritën natyrale.

Duke e pasur parasysh këtë, koha më e mirë për ta fotografuar veturën mbetet në mëngjes 30 minuta pas lindjes së diellit ose pasdite 1 orë para perëndimit. Fotografitë e bëra në këtë kohë kanë një shkëlqim të ngrohtë që mundëson theksimin e ngjyrave në foto.

Vendi se ku ju do të vendosni t’i realizoni fotografitë mund të ju ndihmojë të dalloheni nga shpalljet e tjera për shitje online. Sigurohuni që të keni një prapavijë të thjeshtë.

Vendet në të cilat ju mund të realizoni fotografitë mund të jenë:

• Vende jo shumë të frekuentuara.

• Vend parkim.

• Garazh të hapur.

• Rrugë malore.

2. Fotografoni veturën nga të gjitha këndet

Bëjini veturës suaj një set të mirë fotografik.

Blerësit duan të shohin detaje. Prandaj, sigurohuni që të fotografoni çdo kënd të veturës dhe madje të bëni edhe video nëse është e mundur.

Mundohuni që të paraqitni gjendjen reale të veturës në mënyrë që blerësi të mos zhgënjehet kur ta inspekton veturën personalisht.

Gjërat që duhet t’i konsideroni gjatë fotografimit:

• Mënjanoni hijet që ju shfaqen në veturë.

• Fotografojeni veturën nga afër.

• Fokusohuni në elementet kryesore të veturës.

• Kushtoni rëndësi detajeve.

• Fotografojeni enterierin e veturës.

• Mënjanoni fotografimin nga niveli i syve.

Fotografimi duhet bërë me kamerë të kualitetit të lartë, mirëpo jo nga një fotograf profesional sepse në këtë rast, fotot nuk do të jenë të besueshme dhe blerësit potencial do të mendojnë se fotografitë janë të marrura në Google apo ndonjë website tjetër i veturave.

Me këto këshilla ju do të ia dilni që ta prezantoni veturën tuaj në gjendje perfekte në shpalljet online dhe tek blerësit potencial.

Nëse tashmë keni vendosur që ta shisni veturën vizitoni MerrJep dhe regjistrojeni shpalljen FALAS në mënyrë që të tërhiqni sa më shumë blerës në mesin e mijëra shpalljeve ditore.