Si të përgatitemi për zhvendosje?

Zhvendosja është njëproces shumë stresues dhe emocional për të kaluar veçanërisht nëse do të zhvendoseni në një qytet apo shtet tjetër. Po lini pas të gjitha gjërat që keni grumbulluar gjatë gjithë jetës tuaj dhe do të zhvendoseni në një vend tjetër me njerëz të ndryshëm. 

Nëse po planifikoni të shkoni në një qytet të ri, duhet të filloni të kërkoni një vend për të jetuar të paktën gjashtë muaj më parë dhe të bëni shumë kërkime në zonë.

Pasi të keni zgjedhur vendin tuaj ideal për zhvendosje, përgatitja e duhur është mënyra më e mirë për ta bërë një lëvizje më të lehtë dhe më pak stresuese. Ju duhet të paketoni të gjitha gjërat tuaja dhe të siguroheni që jeni të organizuar dhe të përgatitur për zhvendosje.

Këtu janë disa gjëra që mund të bëni për t'u përgatitur për lëvizjen tuaj, në mënyrë që gjithçka të shkojë sipas planit.

1. Krijoni një listë të gjërave që duhet bërë para se të filloni procesin e zhvendosjes

Kjo është gjëja e parë që ju duhet të bëni. Blini një fletore apo hapni një dokument në kompjuter dhe shkruani gjërat esenciale që patjetër duhet t’i keni me vete në shtëpinë e re. Në këtë mënyrë ju do të keni gjithçka para vetës dhe do të keni kohën e mjaftueshme për të organizuar zhvendosjen. 

Së dyti, organizoni dokumentet e rëndësishme personale (p.sh. pasaporta, karta e identitetit dhe dokumente të tjera) në një vend për qasje të lehtë në kompjuterin tuaj.

2. Vendosni se çfarë do të përdorni për paketimin e gjërave tuaja

Lëvizja e gjërave shtëpiake mund të duket e lehtë, por nganjëherë nuk është edhe aq. Nëse dëshironi që të transportoni gjërat tuaja në mënyrë të rregullt dhe pa dëmtime, atëherë, paketimi i duhur është gjëja kryesore që duhet konsideruar në raste të tilla.

Pavarësisht nëse keni për të transportuar gjëra me peshë të lehtë apo të rëndë, ju duhet të zgjedhni nëse do të përdorni kuti letre, plastike apo qese për një transportim të sigurt. Nëse keni për të transportuar aksesorë shtëpiak apo enë, ne ju rekomandojmë të përdorni kuti letre apo plastike. Ndërsa, për transportin e rrobave dhe gjërave më pak të ndjeshme mund të përdorni qese.

3. Vlerësojeni gjendjen e gjërave që mbani në shtëpi

Është e rëndësishme të jeni të përgatitur kur lëvizni në mënyrë që të përqendroheni në kryerjen me sukses të procesit në fjalë. Jo gjithçka që e keni pasur në shtëpinë paraprake duhet ta merrni me vete!

Para se të filloni procesin e lëvizjes së të gjitha gjërave tuaja, duhet të vendosni se çfarë doni të mbani dhe çfarë doni të hidhni tutje. Kjo përfshin vlerësimin e gjendjes së secilit artikull dhe nëse ia vlen ta mbani në shtëpinë tuaj të re.

Ndërsa kontrolloni artikujt tuaj, ju mund të gjeni gjëra që nuk ju duhen më, qofshin ato mobilje, aksesorë, piktura, lule apo gjëra të tjera të ngjajshme. Në vend që t’i hidhni ato, ju mund të regjistroni shpallje në MerrJep.com dhe t’i shisni ato me çmime të volitshme.

4. Paketoni me kujdes gjërat e ndjeshme

Gjatë procesit të paketimit ju do të vëreni se disa artikuj janë më të vështirë për t’u paketuar se të tjerët. Por, si duhet të veproni në raste të tilla? Gjërat e brishta duhet të paketohen me kujdes në mënyrë që ato të arrijnë në shtëpinë tuaj të re të pa dëmtuara.

Këto janë hapat që duhet ndjekur për paketim e disa gjërave të ndjeshme:

• Televizori - Pasi shumica e televizorëve janë të dimensioneve më të mëdha bartja e tyre mund të jetë e vështirë. Nëse keni ruajtur kutinë origjinale të televizorit pas blerjes, atëherë ju nuk do të keni më probleme. Kjo pasi njëra nga mënyrat më të sigurta për paketim të televizorit është paketimi në kutinë origjinale. 

Nëse nuk e keni kutinë origjinale, atëherë ju mund të ktheheni në kohët pas, kur lëviznim televizorët të mbështjellur me një çarshaf apo me një batanije të trashë dhe të përdorni po këtë metodë për transportim të televizorit.

• Abazhurët - Llampat, abazhurët dhe ndriçuesit e tjerë më së miri transportohen të mbyllur në një kuti. Mbështillini ato me letër apo me peshqir në mënyrë që të mos prekin njëra tjetrën apo të mos pësojnë gërvishje gjatë transportimit.

• Stolitë - Stolitë mund të transportohen të mbështjellura në peceta të mëndafshta apo çantat përkatëse. Sigurohuni që gjatë paketimit ato të mos mbështillen me njëra tjetrën pasi do të jetë shumë e vështirë për t’i zgjidhur ato.

5. Rezervoni një kuti për gjërat e imëta

Të gjithë jemi mësuar që gjërat e imëta mund ti sistemojmë në një vend të vetëm në mënyrë që kur t’i kërkojmë ato t’i kemi të gjitha në një vend. Kjo vlen edhe gjatë zhvendosjes. 

Në këtë kuti ju mund të vendosni telekomandat, mbajtëset e rafteve, mjetet e thjeshta të punës si dhe gjëra tjera të imëta. Kjo do t’ju kursejë kohë dhe do t’ju bëjë më të lehtë gjetjen e gjërave të këtyre dimensioneve, pasi ju do të dini se të gjitha i keni futur në një kuti të vetme.

6. Organizoni kutitë

Organizimi i kutive luan rol kyç në procesin e transportimit. Mos harroni se kutia e parë e vendosur në kamion do të të jetë kutia e fundit e nxerrur nga kamioni. Një organizimi jo mirë i menduar mund të bëjë që kutia e cila ka televizorin apo gjëra tjera të brishta brenda të mbetet nën një kuti më të rëndë dhe kjo do të bëjë që gjërat tuaja të dëmtohen gjatë transportit.

Prandaj, organizoni renditjen e kutive tuaja sipas dhomave, nëse mundeni. Etiketoni dhomat e gjumit sipas ngjyrës ose numrit. Ky hap i ndihmon lëvizësit të identifikojnë dhomat e duhura për secilën nga kutitë tuaja.

7. Rezervoni një kamion për transport

Pasi t’i keni paketuar të gjitha gjërat me kujdes, nuk ju mbetet asgjë tjetër veçse t’i transportoni ato në shtëpinë tuaj të re. Shfletoni faqet e internetit dhe kërkoni pë një kompani transporti që do të jetë në dispozicion për të transportuar gjërat tuaja. 

Ju mund gjithashtu të kërkoni në MerrJep.com për shërbime transporti dhe të gjeni kamion transporti që do t’i përshtaten nevojave dhe kërkesave tuaja me çmime mjaftë të volitshme.