Këshilla se si të shisni apartamentin tuaj

Keni vendosur të shisni apartamentin tuaj por nuk e dini nga t’ia filloni? Më besoni se nuk jeni të vetmit. Shumë njerëz tashmë janë larguar nga mënyra tradicionale e të shiturit dhe kanë zëvendësuar atë me shitjen përmes internetit. Kur vie koha të vendosni apartamentin tuaj në shitje, zgjedhja e mënyrës së duhur për shitje është çelësi kryesor i suksesit. Nëse ju dëshironi që ta shisni apartamentin tuaj sa më shpejtë që të jetë e mundur, atëherë me këto këshilla që ne iu ofrojmë ju do ta arrini këtë. Madje, ju do ta shisni apartamentin tuaj me çmimin më të mire në treg.

Këto janë këshillat që ne iu sygjerojmë:

1. Kontaktoni një agjent të patundshmërive

Qofshi duke shitur apartamentin ku ju keni jetuar më parë, apo një pronë investimi, gjetja dhe zgjedhja e një agjenti të patundshmërive është vendimi më i rëndësishëm që ju do të merrni në këtë hap. Ju si pronarë i interesuar për shitje, duhet të kërkoni një rekomandim profesional se me kë të punoni në këtë drejtim.

Agjenti i shitjes ju përfaqëson juve dhe ka përgjegjësi të kërkojë oferta të cilat janë në interesin tuaj.

Këta janë hapat që ju duhet t’i ndjekni për të bërë zgjedhje të sigurtë:

• Bëni kërkime për të gjetur agjentin që ju përshtatet. Në ditët e sotme ka shumë agjenci të patundshmërive ku ju mund të bëni zgjedhjen tuaj. Por, e rëndësishme është që të informoheni me punën dhe ofertat e disa prej kompanive në mënyrë që ju të shihni se si ato punojnë

• Intervistoni agjentë dhe takohuni me të paktën tre prej tyre para se ju të merrni vendimin për njërin nga ta. Sigurohuni që të punësoni duke u bazuar në eksperiencën që ata kanë.

• Tregohuni i sinqertë me agjentin që ju do të zgjedhni, sidomos gjatë procesit të përgatitjes së ofertës për shitje. Ju duhet të siguroheni që agjenti të përmbush kërkesat tuaja dhe të komunikoni lirshëm me të.

2. Pastrojeni apartamentin

Gjëja më e rëndësishmja që ju duhet të bëni pasi keni vendosur të shisni apartamentin tuaj është ta pastroni atë. Ju duhet të siguroheni që ambienti juaj të duket bukur dhe pastër. Blerësit potencial nuk do të donin të interesoheshin për një pronë për të cilën ju nuk kujdeseni siç duhet. Nëse keni gjëra që nuk ju duhen, sigurohuni që t’i sistemoni ato në një pjesë më të fshehtë të apartamentit.

Gjatë pastrimit të apartamentit tuaj, ju mund gjithashtu të gjeni edhe gjëra të cilat kanë nevojë të riparohen. Nëse shihni se një dorëz e derës është e dëmtuar, mos e neglizhoni atë dhe sigurohuni që ajo të jetë në gjendje të rregullt para vendosjes së apartamentit në shitje.

Gjëra të tjera që duhet t’i kontrolloni gjatë pastrimit gjeneral të apartamentit tuaj janë:

• Qeshmet

• Gypat e ujit

• Ndriçimi

• Paisjet elektronike

3. Bëni fotografi të përshtatshme për shpallje

Merrni kohën tuaj dhe pergatituni për fotot e apartamentit që ju do t’i postoni në shpallje Sigurohuni që fotografitë e postuara të jenë me kualitet të lartë dhe të qarta. Sepse në shumicen e rasteve, blerësit potencial të apartamenteve do të gjykojnë pronën tuaj vetëm nga fotot që ju do t’ia bashkangjitni shpalljes.

Prandaj, që shpallja juaj të ketë sukses, ndiqni këta hapa esencial dhe realizoni fotografitë sipas hapave më poshtë.

• Formoni hapësirë funksionale

Hapësira e hapur e cila transmetohet në fotografi, do të bëjë që apartamenti juaj të duket shumë më bukur se zakonisht. Kjo gjithashtu do të lë përshtypje pozitive tek blerësi potencial duke e bërë atë të mendojë ajo hapësirë do të shfrytëzohet në të ardhmen. Prandaj, hedhni një sy gjërave që nuk ju duhen më. Largojini apo dhuroni ato.

Ajo çfarë ju duhet të prezantoni janë hapësirat e rregullta që do të bëjnë apartamentin tuaj të ofrojë më shumë hapësirë. Kjo për shkak se kur blerësi t’i shoh fotografite apo të vizitojë apartamentin, të vërejë se sa i rehatshëm dhe i shfrytëzueshëm është apartamenti në të cilën ai mbase do të jetojë në të ardhmen.

• Kushtoni rëndësi detajeve

Sigurohuni që të fotografoni apartamentin tuaj nga çdo kënd. Fotografitë duhet të përmbajnë të gjitha detajet e apartamentit që ia vlejnë të theksohen. Realizoni fotografitë nga dera e dhomës në mënyrë që të siguroni një këndvështrim realist të hapësirës.

• Përdorni ndriçimin e duhur

Ndriçimi është një detaj të cilit duhet kushtuar shumë rëndësi. Ndriçimi natyral është opsioni më i mirë për ndriçim. Për këtë arsye ju duhet të planifikoni që të realizoni fotosesionin gjatë ditës. Ndërsa nëse nuk keni mundësi që fotot ti realizoni gjatë ditës dhe ju mbesin për më vonë, përdorni dritë artificiale sa më shumë që të jetë e mundur. Por keni kujdes, mos e përdorni blicin sepse mund të krijojë copëza të paqarta shkëlqimi dhe fotografi me kualitet të dobët.

4. Vendosni çmimin

Ju ndoshta mund të keni një shumë ideale të cilën ju mendoni se apartamenti juaj e arrinë. Mirëpo, ju duhet të dini se çmimi i shitjes nuk përcaktohet në këtë mënyrë. Prandaj, në mënyrë që ju të keni një çmim përkatës për pronën tuaj, ju duhet të bashkëpunoni me agjentin tuaj të shitjes. Pasi të rishikojë apartamentin tuaj, ai mund të ju sigurojë një vlerësim aktual të pronës duke u bazuar në njohuritë që ai ka për tregun e patundshmërive.

5. Postoni shpalljen

Pasi që të interesuarit për blerje të patundshmërive së pari kërkojnë shpallje të detajizuara të online, atëherë juve nuk ju mbetet asgjë tjetër përveç se të postoni shpalljen tuaj në webfaqe adekuate. Ju mund të postoni shpalljen tuaj në MerrJep.com, nga ku apartamenti juaj do të grumbullojë blerës potencial në kohë reale. Pasi të keni shqyrtuar ofertat të cilat do të ju vine nga blerësit e interesuar, atëherë, në bashkëpunim me agjentin tuaj të patundshmërive, ju duhet të përgatisni dokumentacionin e duhur për shitje.

Këshillat dhe mundësitë për publikim të shpalljeve që MerrJep.com ofron, do të bëjnë që apartamenti juaj të shitet më shpejtë se zakonisht. Prandaj, shfrytëzojini ato dhe bëni një shitje profesionale të apartamentit pa humbur shumë kohë.