Postoni një njoftim të ri
Si të zgjidhni traktorin e duhur për fermën tuaj?
Traktorët përdoren në të gjitha fushat e bujqësisë. Nevoja për një traktor varet nga madhësia e fermës dhe sasia e punës që duhet bërë. Traktorët mund të përdoren për lërimin, mbjelljen, korrjen, etj. Nuk do të ishte e mundur që fermerët të përmbushin të gjitha detyrat e tyre të përditshme pa përdorur një traktor. Ekzistojnë lloje të ndryshme të traktorëve në dispozicion në treg dhe zgjedhja e duhur është shumë e rëndësishme.
Nëse ju jeni në treg për një traktor, mund të jetë e vështirë të dini cila është zgjedhja e drejtë për ju. Ka kaq shumë modele të ndryshme të traktorëve në treg nga kompani të ndryshme. dhe secili model vjen me grupin e vet të veçorive dhe përparësive. Për t’ju ndihmuar të zgjidhni traktorin më të mirë për nevojat tuaja, këtu janë karakteristikat më të rëndësishme që duhet t’i merrni në konsideratë.
1. Bazohuni në madhësinë e pronës apo fermës tuaj
Para se të filloni kërkimin tuaj për traktor, ju së pari duhet të shihni madhësinë e fermës tuaj dhe pastaj të zgjidhni një traktor që përputhet me madhësinë e pronës apo fermës tuaj.
Fermat me hapësirë më të gjerë punuese kërkojnë traktorë me më shumë kuaj fuqi (45-70 HP) pasi në të mund të kryhen një larmi detyrash si punimi i tokës, korrja, kositja, mbjellja, spërkatja, etj ndërsa, fermat me hapësirë më të vogël punuese janë të përshtatshme për traktorë me më pak kuajfuqi. Një traktor me rreth 35 HP mund të jetë zgjedhja ideale për të plotësuar qëllimet bujqësore të fermës.
Sigurohuni që blerja e traktorit tuaj të preferuar të ketë një kosto efektive, duke marrë parasysh nevojat aktuale dhe nevojat e ardhshme për qëllimet që do t’i aplikoni në pronën tuaj.
2. Madhësia fizike e traktorit
Pavarësisht se mund të duket më pak e rëndësishme, madhësia e traktorit luan rol shumë të madh në përzgjedhje dhe në përformancë. Shumë traktorë blihen duke pasur vetëm disa detyra të thjeshta në mendje, por më pas ju mund të vëreni se një traktor të duhet dhe mund ta përdorni për qëllime të ndryshme duke i tejkaluar punët apo pritshmëritë për të cilat ai është blerë.
Bëni planifikim paraprak dhe mendoni se për çfarë pune tjetër mund të ju nevojitet traktori juaj. Pasi ju nuk mund të blini një traktor që mund të bartë 400 kg dhe t’a përdorni pastaj atë kur ju duhet të bartni 500 kg, pasi kjo mund të shkaktojë prishje të sistemit amortizues dhe dëmtim të traktorit. Prandaj, ne ju sugjerojmë të shikoni dimensionet e një traktori për t'u siguruar që ai do të përshtatet dhe do të japë rezultate të shkëlqyeshme pune edhe kur përdoret për qëllime të tjera pune.
3. Caktoni buxhetin të cilin ju mendoni ta shpenzoni për blerje të traktorit
Blerja e një traktori është një investim i madh dhe mjaftë i rëndësishëm për të gjithë ju që merreni me veprimtari bujqësore. Prandaj, është e rëndësishme të theksohet se traktorët mund të kushtojnë një shumë të konsiderueshme dhe se ju duhet të keni një buxhet të përcaktuar për të vazhduar me procesin e blerjes në mënyrë që të gjeni atë që kërkoni në një traktor.
4. Sa kuaj-fuqi ju nevojitet?
Zgjedhja se sa kuaj-fuqi ju duhen në traktor është një vendim thelbësor që varet nga madhësia e fermës tuaj si dhe nga shumëllojshmëria e detyrave bujqësore që duhet t’i kryeni me të. Pavarësisht nëse jeni duke kërkuar të blini traktorë për të kryer spërkatje, kositje, punim të pronës apo detyra të tjera bujqësore. Fuqia e traktorit për momentin mund të matet nga kuaj fuqia e motorrit.
4.1. Motorri
Motorri është faktori që luan rol kyç në funksionimin e motorrit. Është e rëndësishme të theksohet se traktori juaj është po aq i fuqishëm sa motorri që funksionon brenda tij. Motorri i traktorit është pajisje që përcakton kuaj-fuqi të traktorit dhe llojin e punës që ai traktor me atë kuaj-fuqi mund të kryejë.
5. Përdorimi
Gjersa bilini traktorin tuaj të parë apo të ardhshëm, jini të qartë për përdorimin dhe detyrat që do t’i kryeni me të. Punët e ndryshme bujqësore kërkojnë makina të ndryshme.
Sigurohuni që para blerjes të bëni një listë me punët që do t’i kryeni me traktorë dhe zgjidhni traktorin me kujdes. Traktorët me më shumë kuaj fuqi, kërkojnë që mjetet shtesë të traktorëve të bashkangjiten për të bërë punën e dëshiruar në fermë.
6. Traktor të përdorur apo traktor të ri?
Dilema me të cilën përballen të gjithë gjatë kërkimit për blerje të traktorit është nëse ata do të shkojnë me opsionin për të blerë një traktor të përdorur apo të ri. Ekzistojnë dyshime se shumica e traktorëve të përdorur kanë përformancë më të ulët dhe ofrohen me çmime mjaftë të larta në treg. Në krahsim, blerja e një traktori të ri vjen me një mori përfitimesh sa i përket konfigurimeve, madhësive, sigurisë, konsumit të karburantit, etj.
Hulumtoni tregun e traktorëve të rinj dhe atyre të përdorur dhe vendosni se cili nga ta do të ishte zgjidhja më e mirë për ju dhe punët që do t’i kryeni në fermën tuaj.
7. Traktor me kabinë apo pa kabinë?
Ky vendim varet krejtësisht nga klima e rajonit ose zonës tuaj. Nëse në rajonin tuaj mbretëron një klimë jashtëzakonisht e nxehtë, atëherë traktori pa kabinë është i papërshtatshëm për ju. Ndërsa nëse rajoni apo zona juaj ka klimë normale atëherë ju mund të zgjidhni një traktor me kabinë.
8. Zgjidhni markën e preferuar të traktorëve
Pavarësisht nëse jeni në treg për një traktor të ri apo të përdorur, juve ju duhet të vendosni se cila kompani e prodhuesve të traktorëve është më e mira për ju.
Zgjedhja juaj mund të jetë sipas preferencave tuaja për markat e prodhimit si dhe historia që këto marka bartin më vete. Shumë marka të prodhuesve të traktorëve ofrojnë makineri cilësore bujqësore me çmime mjaftë të volitshme.
Disa nga markat kryesore prej të cilave ju mund të zgjidhni dhe që mund t’i gjeni të listuara për shitje në MerrJep.com janë: John Deere, IMT, Massey-Ferguson, Univerzal, Fiat , Fendt etj.
9. Komoditeti dhe siguria
Është shumë e rëndësishme që shoferët e traktorëve gjatë vozitjes apo punës në fermë, të ndihen komod dhe të sigurt. Sigurohuni që gjatë blerjes të shikoni për komoditetin dhe sigurinë e traktorit. Disa nga gjërat e zakonshme në të cilat mund të përqendroheni gjatë blerjes janë:
• Hapësira e mjaftueshme midis pedaleve dhe mbrojtësve
• Projektimi i duhur i platformës së operatorit
• Rregullueshmëria e sediljes dhe timoni
• Hyrja e kontrolleve nga një gamë normale e arritjes
• Gjendja e mirë e dorezave
• Dukshmëria e dritave të panelit
10. Bëni një test të vozitjes traktorit dhe pastaj vendosni
Blerja e një traktori është investim i madh. Prandaj, ju duhet të dini çdo detaj në lidhje me traktorin që po blini. Për këtë arsye, ne ju sugjerojmë të merrni traktorin për një vozitje testuese para se ta blini atë në mënyrë që të njiheni me çdo detaj të tij dhe të zbuloni nëse traktori plotëson të gjitha kriteret e kërkuara nga ju.